स्वतःकडे परत जाण्याची सुरुवात

 अनुष्का नेहमी स्वतःकडे शांतपणे पाहणारी मुलगी आहे. पण गेल्या काही दिवसांत तिने स्वतःबद्दल काही अशा गोष्टी शोधल्या, ज्या तिला आधी कधी जाणवल्याच नव्हत्या. हा प्रवास अचानक सुरू झाला आणि तिला स्वतःबद्दल खोलवर समजायला मदत करू लागला.

काल अनुष्काने एक YouTube व्हिडिओ पाहिला. त्या व्हिडिओमध्ये एक साधा सल्ला दिला होता की राग आला, तणाव आला किंवा मन त्रासले तरी शांत आणि नम्रपणे बोलावं. तिने हे प्रत्यक्षात करून पाहिलं आणि ती आश्चर्यचकित झाली.आपल्या नकळत ती कधी कधी थोडी कडक बोलत होती. तिचा हेतू तसा नव्हता, पण आवाजाचा टोन तसाच वाटत होता. ही जाणीव तिच्या मनात खोलवर गेली आणि ती अधिक सजग झाली.

तिने स्वतःला अजून एका गोष्टीत ओळखलं. घराबाहेर पडली की तिचा ताण जणू वाऱ्यासोबत दूर उडून जातो. चालताना तिच्या मनात शांतता पसरते. विचारांची गर्दी विखुरते, आणि तिला स्वतःची उपस्थिती अगदी स्पष्ट जाणवते. हा छोटासा बदल तिच्यासाठी मानसिक विश्रांतीसारखा झाला. कधी कधी बाहेरचं वातावरण मनाला किती शांत करतं हे तिला आता नीट कळायला लागलं.

आज तिला तिच्या स्वभावातील आणखी एक बाजू कळली. कुणी तिला अचानक प्रश्न विचारला की ती थोडी panic होते. एका क्षणात तिचे विचार गोंधळतात, शब्द अडखळतात, आणि वाक्ये तयार करण्यात ती अडचण अनुभवते. हे तिच्यासाठी नवीन नव्हतं, पण आज ती ही गोष्ट स्पष्टपणे ओळखू शकली. आता ती हे कौशल्य सुधारण्यासाठी अभ्यास करायचा ठरवत आहे. शांतपणे विचार करणं, थोडा वेळ घेणं आणि साध्या शब्दांत बोलणं ,हे ती हळूहळू शिकत आहे.

अनुष्का दररोज स्वतःला थोडं अधिक ओळखतेय, थोडी अधिक शांत होतेय आणि थोडी अधिक परिपक्व होत आहे. तिचा हा प्रवास अजून सुरू आहे आणि प्रत्येक दिवस तिला काहीतरी नवं शिकवतो.

स्वतःला ओळखण्याचा प्रवास कधीच संपत नाही; प्रत्येक दिवस आपल्याला स्वतःकडे नव्या नजरेने पाहायला शिकवतो.

#लहानजाणीवामोठाबदल

#स्वविकास

#स्वतःला_ओळखणे

#मनाचीशांती

#स्व-समज

#आत्मबोध

#दैनंदिनप्रवास

#आत्मविकास

#शांततेचा_प्रवास

#mindfulmanass