भावनांकडे दुर्लक्ष करू नका, त्यांना समजून घ्या!
कधीतरी एका क्षणात मन आनंदाच्या शिखरावर पोहोचतं, तर दुसऱ्याच क्षणी दुःखाच्या खोल दरीत हरवून जातं. राग आणि भीती यांसारख्या भावना आपल्याला इतकं गोंधळात टाकतात की आपल्या रोजच्या जीवनावर त्याचा थेट परिणाम होतो. जरा विचार करा, जर आपण या भावनांना वाट मोकळी करून दिली नाही, तर काय होईल? जसा एखादा बांध फुटल्यावर सगळं काही उद्ध्वस्त होतं, त्याचप्रमाणे आपल्या मनात साठलेल्या नकारात्मक भावनांचा स्फोट आपल्या मानसिक आणि शारीरिक आरोग्यासाठी किती धोकादायक ठरू शकतो! म्हणूनच, या भावनांना ओळखणं, त्यांना समजून घेणं आणि त्यांना योग्य प्रकारे व्यक्त करणं हे आपल्या आनंदी जीवनासाठी अत्यंत महत्त्वाचं आहे.
भावना व्यवस्थापन म्हणजे दुसरं काही नसून स्वतःच्या अंतरंगात डोकावून आपल्या भावनांची जाणीव करून घेणं. जेव्हा आपण आपल्या भावनांना जशा आहेत तशा स्वीकारतो, तेव्हा आपल्या मनावरचा एक मोठा भार आपोआप उतरतो. अस्थिर झालेल्या मनाला शांत करण्याचा एक सोपा उपाय म्हणजे आपल्या श्वासावर लक्ष केंद्रित करणं. कितीही नकारात्मकता असली तरी, जगात प्रत्येक गोष्टीत काहीतरी सकारात्मक नक्कीच दडलेलं असतं; फक्त आपल्याला ते शोधण्याची आणि त्यावर विश्वास ठेवण्याची गरज आहे.
आपल्या शरीरासाठी आणि मनासाठी नियमित व्यायाम आणि पुरेशी झोप खूपच फायद्याची आहे. त्याचबरोबर, आपल्याला आवडणाऱ्या गोष्टींमध्ये रमून गेल्याने मिळणारा आनंद अवर्णनीय असतो. आणि हो, आपल्या प्रियजनांशी मनमोकळी बोलणं! मित्र आणि कुटुंबातील सदस्यांशी गप्पा मारणं, आपल्या भावना त्यांच्यासमोर व्यक्त करणं, यासारखी दुसरी कोणतीच गोष्ट नाही जी आपल्याला इतका मोठा दिलासा देऊ शकते. कारण ते आपल्याला समजून घेतात आणि आधार देतात.
आणि जेव्हा कधी आपल्याला आपल्या भावनांचा सामना करणं कठीण वाटतं, तेव्हा एखाद्या जाणकार व्यक्तीची मदत घेणं हे आपल्या मानसिक आरोग्यासाठी उचललेलं एक महत्त्वाचं पाऊल आहे. मानसशास्त्रज्ञ किंवा समुपदेशक आपल्याला आपल्या भावनांना अधिक चांगल्या प्रकारे समजून घेण्यासाठी आणि त्यावर मात करण्यासाठी योग्य मार्गदर्शन करू शकतात.
शेवटी, मला एवढंच सांगायचं आहे की आपल्या भावना या आपल्याच आहेत. त्या वाईट नाहीत किंवा त्या चुकीच्या नाहीत. फक्त त्यांना योग्य प्रकारे हाताळायला शिकणं महत्त्वाचं आहे आणि ही शिकण्याची प्रक्रिया आयुष्यभर चालते. म्हणून स्वतःवर विश्वास ठेवा आणि आपल्या भावनांना आपले मित्र बनवा, शत्रू नव्हे! कारण तुमच्या भावनाच तुम्हाला एक आनंदी आणि समाधानी जीवन जगण्याची दिशा दाखवतात!
#MindfulManass #Self-improvement #EmotionsManagement #Motivation
Comments
Post a Comment